【Face首爾獨家】金秀賢私生活揭秘

更多
超过 578 次围观 

首爾獨家直擊 

生日踩廿粒鐘 住頂級豪宅 金秀賢私生活大揭秘

     韓劇《來自星星的你》唔只熱爆韓國,更於東南亞掀起一片追《星》熱潮,個個星期追住煲。  

      不過《星星》現已播到第 17集,本月底便會埋尾大結局,所以劇中男女主角金秀賢與全智賢,現正開行 turbo趕工。

      本刊首爾直擊,週日( 16日)雖是金秀賢 26歲生日(韓齡 27),但唔只冇假放慶生,仲連踩 3組戲,開足 20粒鐘。雖然金秀賢最近被踢爆豪擲 2,800萬港元買下首爾銅雀區黑石洞區豪宅,同 G-Dragon SM Entertainment老闆李秀滿為鄰,但每日只留家最多 4粒鐘,日日由朝做到晚,每分每毫都有血有汗。

      《星星》接近尾聲,但早前因遷就索契冬季奧運播映而停播一集,而延遲大結局播出日期。據知因為《星星》大受歡迎,經編劇及演員等人協商後,終於調整好時間,拍多一集,所以《星星》由原本的 20集變成 21集,大結局將於本月 27日播出。

W1152_378_1656047_616402 ※ 金秀賢《星星》一劇中, cool爆嘅金秀賢其實外冷內熱,一直在全智賢身邊保護對方。

 

瞓連梳洗 5個鐘

      添食一集,講就容易,實質各演員要捱多幾日趕工。上週本刊記者飛到首爾,直擊飾演 cool爆但深情男主角都敏俊的金秀賢, 20小時內連踩 3組戲實況。

      週日( 16日),其實是金秀賢 26歲生日,但因要為《星星》埋尾,生日都要跟攝製隊及工作人員開住工度過。當日金秀賢與飾演全智賢反叛細佬千允在的安宰賢,早於中午 12時,已在首爾新村的現代百貨公司出現,之後攝製隊移師到附近一間中國餐館進行拍攝,拍完 4小時後離開,其間雖然有影迷用韓文在餐廳外大叫「生日快樂」,但金秀賢亦冇時間講多謝,只鞠個躬道謝後即匆匆離開,趕下一個場景。

     唔好以為生日有優待,當日晚上金秀賢亦趕去仁川機場附近的江華區東幕沙灘的別墅繼續拍多 5小時,其間記者更聽到「千頌伊」全智賢在別墅內大叫:「都敏俊」。拍到大約半夜 4點,金秀賢終於可以返家休息。金秀賢返到新購入的豪宅單位已經係半夜 4點幾,到早上 9點半,記者又發現金秀賢離開屋企開工,計落金秀賢只有約 5小時休息連梳洗,真係鐵人都捱殘。

     雖然趕工超辛苦,但金秀賢年青力壯,所以單睇樣完全唔覺殘。週一( 17日)早上金秀賢先乘保母車到附近試戲服,然後就繼續乘保母車直駛樂天百貨公司,接走一名韓妹上車,之後兩人便聯同司機及一位疑似保母在車上逗留半小時,金秀賢先同韓女齊齊步入樂天百貨開工。

6482e5f1gw1edoy2q5jg4j20hs0bx0vs ※ 別墅大叫都敏俊

週日( 16日)晚,金秀賢由首爾市區,坐車去到仁川附近江華區一間名為 Hill House嘅別墅會合全智賢繼續拍。其間,聽到全智賢好大聲用韓文叫住「都敏俊」個名,唔通二人又嗌交?

W1152_378_STAR ※ 週日( 16日)正是金秀賢 26歲生日,但因為要開工,所以生日亦要喺工作中度過。而今次已是金秀賢第 4年要開住工過生日,證明佢真係好忙。網上圖片

W1152_378_Kit140217a033[2]  

16/2

W1152_378_Kit140217a044 

※ 週日由朝拍到週一凌晨,但金秀賢只係返去位於首爾銅雀區黑石洞豪宅小睡,5粒鐘後,由保母車接走再開工。

W1152_378_Kit140217a049 

193516jyM 

17/2  9:50am  5℃週一( 17日)朝早 9 50分,金秀賢由助手陪同下,到首爾樂天百貨公司附近的髮型屋整頭,由於金秀賢只瞓得 4粒幾鐘,加上天寒地凍,着住件超厚羽絨嘅金秀賢快步行入髮型屋。但遠睇佢個樣都算精神,啱啱 26歲仲捱得起。

W1152_378_a6a3f863gw1e

※ 本週一,剛過了 26歲生日的金秀賢 post咗喺片場刨劇本相上微博,辛苦晒!網上圖片

W1152_378_a001  

※ 週一朝早,金秀賢要去整頭兼繼續拍攝,其間,佢就叫埋工作人員一齊喺保母車旁邊,疑似抽煙減壓。其實金秀賢呢幾年都曾被影到煲煙相。

W1152_378_snapshot[4] W1152_378_006 W1152_378_IMG_0389 

17/2 10:00pm同全智賢談情

本週一晚上,金秀賢同全智賢去咗首爾 Tripalace拍攝車廂傾偈戲, Tripalace喺戲入面其實係金秀賢同全智賢所住的豪宅,內籠是全廠景。

W1152_378_Kit140217b009 

 1:15pm車廂短聚

週一下午,金秀賢於樂天百貨公司附近整完頭後,便用保母車接走一名女子,之後該韓妹更在保母車上,同金秀賢等人短聚半粒鐘。

 

本週加甜    

     《來自星星的你》是以《朝鮮王朝實錄》中 1609年發現的不明飛行物相關紀錄為基礎,講述從外星來到朝鮮時代的神秘男人都敏俊(金秀賢飾)就此生活到 400年之後的現代,遇着名女演員千頌伊(全智賢)並墮入愛河的浪漫喜劇。上集(第 17集)講到千頌伊同都敏俊喺屋企耍花槍,千頌伊更主動咀都敏俊,令都敏俊溶化。據了解本週播映的第 18集及第 19集(一說可能延播),都敏俊對千頌伊的感情愈來愈深,令是否返回自己星球感到進退兩難。

     雖然本月底( 27號)播第 21集大結局,不過上週編劇朴智恩表示仍正為結局安排苦惱中,還未動筆寫劇本,所以大家唔使亂咁估喇!

A969_043_I

 

要娶O靚妹

     《星星》劇中,金秀賢飾演的外星人教授都 manager,對千頌伊一往情深,冧死唔少女。現在單身的金秀賢本身亦是女性磁石,年前他出席電視節目《 Section TV演藝通信》時,便說笑式自爆曾有過 9個女友。去年他於電影《偉大的隱藏者》宣傳活動上被追問結婚大計竟笑說要娶O靚妹,「 24歲時我想過 36 37歲結婚,但目前情況應該沒有辦法實現,要推遲到 41歲左右,到時可能要娶個 21歲的妹妹。」而 6年前金秀賢更於自家 blog表示:「她要願意為我而死,只能想着我一個人,不能妨礙我工作,但在我需要的時候,一定要在我身邊。」

     據了解,香港最近也有不少商場和公關公司向金秀賢招手,但金秀賢經理人表示,現階段只想集中拍廣告,加上他是 LOTTE FITIN mall代言人,所以不能接其他商場騷,香港的客戶畀多多錢,都恐怕請唔到男神來港。

W1152_378_CAP5 ※ 認拍 9次拖

早前,金秀賢於電視節目《 Section TV演藝通信》,自爆曾拍過 9次拖。

W1152_378_6F4BBACB98E7 

※ 最近 Miss A嘅秀智加入《星星》客串,扮金秀賢舊學生,兩人相遇,秀智仲好主動抄牌攞電話,之後搞到全智賢呷醋。其實秀智同金秀賢早於 3年前拍《 Dream High》時,已傳過緋聞。

W1152_378_002  09年於電影《最壞的朋友》內,金秀賢被女角摸下體,算係入行以來最大膽演出。

 

FM吸金  

    金秀賢完成《星星》後,將於亞洲舉行 Fan Meeting,可惜冇香港站。據知現時金秀賢每場騷收約 195萬港元,預計完騷後吸金超過千萬。

3 22日 台北

3 23日 上海

4 4日 廣州

4 6日 北京

19ee4p5r

※ 去年 7月,金秀賢曾為自己孭飛嘅韓片《三個特攻美少年》來港做宣傳,當時已令成班港女着晒迷。

 

巨星豪竇

     近年紅爆東南亞嘅金秀賢,去年花 2,800萬港元買入位於銅雀區黑石洞千呎豪宅,其居所位處 20樓以上,可飽覽漢江美景。而 SM事務所社長李秀滿、 BIGBANG隊長 G-Dragon及《茶煲阿四》女星韓藝瑟亦擁有同座物業,同巨星富豪住埋隔籬。

W1152_378_36885_214820 G-Dragon

W1152_378_169948_84403 ※ 韓藝瑟

W1152_378_14142788 SM社長李秀滿

 

FACE 週刊 第352

 

标签:
© 2014 GroupDrama娱乐台. 版权保护.